Showing posts with label Mitaani. Show all posts

HAWA NDIO WAVULANA WA FAMILIA MOJA WALIOTOKWA NA MATITI UKUBWANI

04:56

VIJANA watatu wa familia moja ya Felipe Ramirez, wamepata balaa kubwa baada ya kuota matiti yaliyosababisha kuchekwa na vijana wenzao waliokuwa wakiwaona kuwa ni mashoga.
Vijana hao kutoka katika Jamhuri ya Dominica ni Yeuri (17 ), Gabriel (11) na Daniu Ramírez (12), hata hivyo, kwa sasa wanaishi kwa amani baada ya kufanyiwa upasuaji na kuondolewa matiti hayo.

Baba yao mzazi, Felipe Ramirez alifanya jitihada ya kuomba msaada kupitia televisheni na magazeti ili wanawe wafanyiwe upasuaji kwani walikuwa wakiishi katika mateso kwenye jamii yao.
Baada ya kuomba msaada, Mkurugenzi wa Hospitali ya Marcelino Velez Santana nchini humo, Dokta Pedro Antonio Delgado

aliamua kuwalipia gharama za upasuaji ambao ulichukua saa mbili.
Ramirez, alisema: “Wakati wanaingizwa katika chumba cha upasuaji nilikosa raha kwa kuhofia kama watatoka salama nao waliogopa lakini baada ya kutoka, wote tumefurahi sana.”

REGINALD MENGI; UMEWAGAWIA CCM WAITAWALE ITV WATAKAVYO?

00:40

Kwako mzee Mengi, zamani miaka miwili iliyopita kituo unachokimiliki cha ITV ndicho kilikuwa namba moja kwa habari za kweli na zisizoegemea upande wowote. Weng waliipenda ITV na kuipotezea kabisa TBCCM ambayo hatakuisikia HATUITAKI tena kwa habari za kichama zinazoendelea kule. Sasa mzee Mengi sikufich kituo chako sasa hivi si kituo cha watu wote tena. Taarifa ya habari ni hovyo hovyo na unaweza kuvunja TV kwa upendeleo wa wazi tena watangazaji wanawapa muda mrefu ccm katka hoja zao na habari zao. Wanapokuja CHADEMA basi ni habari inayoiponda na kuisaga CHADEMA. Yani ni upendeleo hata kwenye mada za vipimajoto vyenu yani iwe makala hata tangazo ni upendeleo kwa CCM. Naomba uweke wazi Mengi kama umewauzia ccm au wamekodi kwa ubiya au wana hisa au ikoje? Wanaitumia na kutoa maelekezo ya nini kifuatwe au kitangazwe. Tayari kila mtu anawalalamikia na mmejijengea chuki tayari kwa wapenda haki. ACHENI UPENDELEO NA KUIOGOPA CCM...

Maisha Feki ya Mastaa wengi wa Bongo

00:48

TASNIA ya muziki wa kizazi kipya Bongo kwa sasa imeshika kasi, wasanii kwa kiasi kikubwa wameweza kuwekeza na hata majina yao yamekuwa juu kiasi cha kujijengea imani kubwa mbele ya jamii.

Imani hii kubwa na ushabiki uliokithiri, imezua jambo jingine kubwa ambalo limekuwa tatizo la kimaendeleo. Tatizo hilo ni wasanii kujikuta wakiendeshwa na umaarufu wa majina yao katika namna ya wanavyoishi.

Imebainika kwa kuwa majina yao ni makubwa kuliko uwezo wao wa kuishi. Jambo hili limewafanya wasanii hao waishi maisha feki mbele ya jamii yao.

Kwa kuishi maisha hayo, wamejikuta wakitumia gharama kubwa katika kuishi maisha ambayo si ya daraja lao.

Mavazi

Ukianzia na mavazi, kwa kuwa tu anajulikana yeye ni yule msanii aliyeimba wimbo fulani maarufu, basi hata kama hana mavazi ya gharama atajitahidi hata kwenda kuazima, ili mradi mashabiki wake wakimwona wamkute nadhifu.

Awali tabia hiyo ilidhaniwa ni ya wasanii wa dansi pekee hasa Wakongomani, lakini sasa ni fasheni kwenye Bongofleva.

Inakubalika na ni dhahiri unadhifu kwa watu wenye mvuto kwa jamii ni jambo lililo wazi, lakini unadhifu unahusiana vipi na gharama?

Wengi wanapotelea hapa, wanafikiri unadhifu ni kuvaa vitu vyenye gharama kumbe uchaguzi wa vitu vya kawaida na mpangilio vinaweza kukufanya kuwa nadhifu kuliko vitu ghali.

Angalia mavazi ya Michael Jackson, yalikuwa ya gharama sana lakini si kweli kwamba mavazi yale ndiyo yalikuwa yakisababisha aonekane nadhifu kuliko wasanii wote duniani, alikuwa tu ni Mfalme wa Pop.

Lakini Bongo ukiachilia mbali kuazimana, kuvaliana na kuambukizana magonjwa, kuna kundi kubwa la wasanii ambao hupenda kujihusisha na maduka ya nguo ili mradi tu wapate kupendeza.

Usafiri

Ukishakuwa staa, tayari kuitwaitwa barabarani, kufuatwa na watoto ukiwa katika matembezi yako, ama kuombwa kupiga picha na mashabiki wako na mambo mengineyo kama hayo ni jambo la kawaida.

Wasanii wetu wanahisi hii ni ghasia na kuwakimbia mashabiki wao. Huukimbia kabisa usafiri wa umma, yaani daladala au wakati wanaenda mikoani huona bora hata wakodi magari badala ya kupanda basi.

Kuna asilimia kubwa ya wasanii tunaowaona wanaendesha magari kana kwamba wanayamiliki, kumbe si yao. Wengi huyakodi ili wakionana na mashabiki wao angalau waonekane wao ni wa matawi ya juu.

Jina linaendelea kuwa kubwa huku mhusika akiteseka kwa kuingia madeni makubwa.

Amini usiamini humu ndimo asilimia kubwa ya kipato cha msanii wa kizazi kipya kinapopotea. Magari hukodishwa kuanzia Dola 25 mpaka Dola 40 kwa siku kulingana na aina ya gari.

Makazi

Hapa ndipo ambapo hawajali kabisa, wengi wao huishi kwa kutegemea wazazi na wengine huishi kwenye nyumba za kupanga kwa kuchangia au kukaa tu kwa mtu huku wakiamini ipo siku mambo yatakuwa sawa wajenge.

Nyumba wanazoishi wengi wao ukiangalia na mavazi wanayovaa na magari wanayoendesha ni vitu tofauti. Wengi huweka kipaumbele mwonekano wa nje kuliko hata wanapoweka ubavu.

Ni wasanii wachache wanaomudu maisha yao kutokana na kipato kilivyo.

Ukiangalia mavazi, usafiri na huku anataka kuonekana kila sehemu ya starehe, sehemu ya pato hupotea huko na mwisho wa siku hubakia kuwa na umaarufu wa maneno na sifa za mdomoni .

Biashara?

Wengi zimewashinda kutokana na ukweli kwamba hawana uzoefu na tija katika biashara. Huanzisha miradi kwa kasi kwa kushirikiana na watu, lakini huwa hawachukui muda kwani hujikuta wakitolewa nje kutokana na matumizi yao makubwa kuliko kipato.

Sifa kubwa ya mfanyabiashara ambaye anasimama kama mchumi ni kuzijua hesabu zake kwa umakini jambo ambalo wasanii wetu wa kizazi kipya hawana.

Ukiachana na hilo, wengi wamekuwa wakitumiwa tu majina yao katika maduka lakini ukija kwenye ukweli, maduka huwa si yao, majina hayo hutumika kunufaisha biashara za watu na mwisho wa siku ukweli huja kubainika.

Upo mfano wa msanii mmoja aliyewahi kuwa na Baa maeneo ya Sinza, lakini ukweli ukaja kugundulika kwamba baa ilikuwa ni ya mwanamke aliyekuwa na uhusiano naye, pale walipoachana ndiyo siri ikavuja.

TOA MAONI YAKO HAPA